Тафаккурингиз ва ташқи таъсирлар: Ҳаммаси – яхшиликка!

Қандай ташқи таъсирларга муносабат билдирсангиз, тафаккурингиз ҳам худди шунга мослашади. Бу тановул қилаётган овқатингиз вужудингизга қандай таъсир этса, худди шундай онгингиз ҳам оладиган маълумот ва ҳис-туйғуларга қараб шаклланади. Кун давомида қабул қиладиган айрим таассуротлар фикрлашингизга ижобий таъсир қилса, баъзилари эса ёмон кайфиятни юзага келтириши мумкин. Шу сабабли, онгингизни салбий таассуротлардан ҳимоя қилиш муҳимдир.

Агар сиз руҳий мувозанатга эришсангиз, ақлингиз нохуш фикрлар ва салбий ментал таъсирларни автоматик равишда рад этади. Бунинг учун тафаккурингиздаги нохуш фикрларни ижобий онг билан алмаштиришга ҳаракат қилиш керак. «Улоқтириб ташлаш» дегани — салбий ҳис-туйғуларни йўқотиб, диққатингизни фойдали ва завқ бағишлайдиган нарсаларга қаратишдир.

Тарихда кўплаб буюк шахслар муваффақиятсизликлар ва тушкунликларнинг таъсирида ўз истеъдодларини кашф этишган. О’Генрининг ягона жиноий саргузашти уни қамоққа туширди, аммо айнан шу воқеа унинг адиб сифатида танилишига йўл очди. Жек Лондон ёшликда тушкунликка тушган, аммо айнан шу кечинмалар уни замонасининг машҳур ёзувчисига айлантирди. Кнут Гамсун ҳаётида кўплаб муваффақиятсизликларга учраган, бироқ умидсизликка тушмай, ўз тажрибаларини «Очарчилик» асарида акс эттирди ва бу китоб унга Нобель мукофотини олиб келди.

Ҳаётда учрайдиган муаммо ва қийинчиликларнинг ўзи катта аҳамиятга эга эмас, муҳим жиҳати – инсоннинг уларга қандай муносабатда бўлишидир. Чарльз Диккенснинг жавобсиз муҳаббати уни эзиб ташламади, балки дунё адабиётида машҳур бўлган «Дэвид Копперфильд» романини яратишга туртки бўлди. Шу асар орқали у нафақат адабиётда, балки молиявий жиҳатдан ҳам юксак муваффақиятга эришди.

Инсон ҳаётда ўзини топгунча кўплаб синовлар, мағлубиятлар ва тушкунликларни бошидан кечиради. Аммо бу қийинчиликлар ортида янги имкониятлар яширинган бўлади. АҚШ президенти Гарри Труменга унинг дўкони касодга учраганини айтганларида, унинг келажакда президент бўлишини тасаввур ҳам қилмаган эдилар.

Биз учун муваффақиятсизликлар, мағлубиятлар ва тушкунликлар – ҳақиқатда бахтга йўл очувчи синовлардир. Улар онгимиздаги салбий фикрларни ижобий тафаккур билан алмаштиришга мажбур қилади.

Шундай воқеалар ҳам бўладики, инсон ҳаётда умуман кутилмаган ҳолат орқали катта муваффақиятга эришади. Масалан, бир геолог бутун умри давомида олтин қидирган, аммо унинг садоқатли хачири тасодифан чуқурга тушиб кетиб, оёғи синади. Геолог хачирни қутқаришга ҳаракат қилиб, мисга бой конни кашф қилади.

Шундай экан, ҳаётдаги ҳар қандай қийинчилик ва синовлар ортида катта имкониятлар яширинган бўлиши мумкин. Агар сиз бирор тушкунликка дуч келсангиз, бу вазият сизни муваффақият сари йўналтирувчи имконият эканини унутманг.

Эсда тутинг: Ҳаммаси – яхшиликка!

“Замин” янгиликларини “Telegram”да кузатиб боринг