Ранг сеҳрлари: кийим танлови сизни озғин ёки семиз кўрсатади

Кўпчилик ташқи кўринишда озғинроқ ёки бироз тўлароқ кўринишни кийим танлаш орқали бошқариш мумкинлигини билади. Бу сир асосан рангларга боғлиқ.

Озғин кўрсатадиган ранглар:

- Қора, тўқ кўк, жигарранг ва кулранг — тўқ ранглар тана чизиқларини “яшириб”, янада озғин кўринишга ёрдам беради.

- Бир хил рангдаги кийим — бошдан-оёқ битта ранг уйғунлиги бўйни узунроқ ва гавдани ингичкароқ кўрсатади.

Семизроқ кўрсатадиган ранглар:

- Оқ, беж, оч пушти ва оч сариқ каби оч ранглар тана ҳажмини каттароқ қилиб кўрсатади.

- Жуда контрастли ранглар (масалан, оқ ва қора комбинацияси) гавдани бўлиб кўрсатиб, кенгроқ таассурот уйғотиши мумкин.

Агар озғинроқ кўринишни истасангиз — тўқ ва монохром рангларни танланг. Агар аксинча, тўлароқ кўриниш керак бўлса — оч ва ёрқин ранглардан фойдаланинг. Ранг танлаш нафақат мода, балки иллюзия санъатидир!

Чарос Заркараева

«ЗАМИН.УЗ» муҳаррири