Кулги ҳақида сиз билмаган қизиқарли фактлар

Шифокорларнинг аниқлашича, кулги – кўпгина касалликларни даволовчи ажойиб дори. Абу Али ибн Сино “Бемор кулаётган лаҳзаларида юз фоиз соғлом одам ҳолатида бўлади!” деган эди.

Француз психологларининг фикрича, кулги организмни ёшартиради. У ички секрецсия безлари фаолиятининг яхшиланишига, бош оғриғи ва чарчашда, артериал босимнинг маромида бўлишига ҳамда юракка ижобий таъсир кўрсатади.

Франциялик шифокор Феликс Бремон кулгини подагра ва жигар касалликларини даволашда анча қулай восита, деб ҳисоблайди.

Норвегиялик профессор Карла Рудалянинг тадқиқотларига кўра, кулги кўкрак қафасини мустаҳкамлайди, елка мушакларини ривожлантиради, умуман олганда кулги инсон организмига ўзига хос ғайрат бағишлайди.

Ҳақиқатан ҳам, кулги ҳаётбахш хусусиятга эга. Эҳтимол шунинг учун ҳам Америкада ҳазил-мутойиба терапевтик уюшмалари ташкил этилгандир. Невропатолог Барри Битман психонейроиммунология (ҳиссиётнинг иммунитет тизимига таъсир этишини ўрганувчи соҳа) асосчиларидан биридир. У кулги терапияси организмнинг иммун функцияларини мустаҳкамлашга ёрдам беради, деб ҳисоблайди. Шу жумладан, кулги жиддий касалликларга қарши табиий ҳимоя воситаси ҳамдир.

Манба: Hordiq.uz

Янгиликлар