Фуқаролик ишлари бўйича Урганч туманлараро судининг суд буйруғига асосан қарздор Х.С.дан ундирувчи Р.П. фойдасига бир нафар фарзандининг моддий таъминоти учун қарздорнинг иш ҳақи ва бошқа даромадларининг ¼ қисми миқдорида алимент тўлаб бориши белгиланган.
Бироқ, ота ўз масъулиятини унутиб, алимент қарзларини ўз вақтида тўлаб бормаганлиги сабали, унинг қарздорлиги 33 млн. 33 минг сўмни ташкил этган.
Ижро ҳаракатлари даврида, унинг хорижга чиқиш ҳуқуқи чекланган эди.
Давлат ижрочилари томонидан олиб борилган тушунтириш ишлари ва ишга жойлаштириш бўйича таклифларини ҳам эътиборсиз қолдириб келган.
Оқибатда, қарздор Х.С.нинг алимент пулларини тўлашдан бош тортиб келганлиги сабабли Ўзбекистон Республикаси МЖтКнинг 47-4-моддаси билан унга нисбатан тўпланган ҳужжатлар Жиноят ишлари бўйича Янгибозор туман судига юборилган.
Шундан сўнг, қарздор фуқаро ўз мажбуриятини тушуниб, алиментдан бўлган жами қарздорликни тўлаб берган.
“Zamin”ни Telegram'да ўқинг!
