Ўзбекистонда 12 декабрдан бошлаб дориларни электрон рецептлар орқали сотиш тизими ишлай бошлади. Янгилик, айниқса, Тошкент шаҳрида аҳоли учун айрим муаммоларни келтириб чиқарган.
Электрон рецепт тизимига кўра, парацетамол, этил спирти, нимесил ва аспирин каби дориларни дорихоналар рецепт асосида беришга мажбур бўлади. Шунингдек, янги тартибга кўра, аҳоли рецептсиз фақат витаминлар ва биологик фаол қўшимчаларни сотиб олиш имконига эга. Бундай ўзгаришлар шахсий ва тиббий ахборотларнинг электрон шаклда тўпланишига олиб келгани боис, баъзи фуқаролар дориларни харид қилишда кутилгандан кўра кўпроқ муаммоларга дуч келаётганликларини билдирмоқда.
Шу билан бирга, янги тизимнинг ишга туширилиши натижасида поликлиникаларда рецепт олиш учун навбатлар кўпайиши мумкинлигидан хавотирлар пайдо бўлди. Ижтимоий тармоқларда, рецептсиз дори воситалари харид қилишнинг имкони йўқлиги сабабли коррупция ҳолатларининг ортиши эҳтимоли ҳақидаги хавотирлар ҳам сезилди. Баъзи фуқаролар эса тизимдаги носозликлар ва шифокорлар тизимга уланишда муаммоларга дуч келаётганини таъкидламоқда.
Электрон рецепт тизимининг биринчи босқичида Тошкент ва республиканинг 15 та туман ва шаҳарлари уланиши режалаштирилган. Кейинчалик, ушбу тизим 2026 йил охирига қадар бутун мамлакат бўйлаб жорий этиш кўзда тутилган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
