O‘zbekistonda 12 dekabrdan boshlab dorilarni elektron retseptlar orqali sotish tizimi ishlay boshladi. Yangilik, ayniqsa, Toshkent shahrida aholi uchun ayrim muammolarni keltirib chiqargan.
Elektron retsept tizimiga ko‘ra, paratsetamol, etil spirti, nimesil va aspirin kabi dorilarni dorixonalar retsept asosida berishga majbur bo‘ladi. Shuningdek, yangi tartibga ko‘ra, aholi retseptsiz faqat vitaminlar va biologik faol qo‘shimchalarni sotib olish imkoniga ega. Bunday o‘zgarishlar shaxsiy va tibbiy axborotlarning elektron shaklda to‘planishiga olib kelgani bois, ba’zi fuqarolar dorilarni xarid qilishda kutilgandan ko‘ra ko‘proq muammolarga duch kelayotganliklarini bildirmoqda.
Shu bilan birga, yangi tizimning ishga tushirilishi natijasida poliklinikalarda retsept olish uchun navbatlar ko‘payishi mumkinligidan xavotirlar paydo bo‘ldi. Ijtimoiy tarmoqlarda, retseptsiz dori vositalari xarid qilishning imkoni yo‘qligi sababli korrupsiya holatlarining ortishi ehtimoli haqidagi xavotirlar ham sezildi. Ba’zi fuqarolar esa tizimdagi nosozliklar va shifokorlar tizimga ulanishda muammolarga duch kelayotganini ta’kidlamoqda.
Elektron retsept tizimining birinchi bosqichida Toshkent va respublikaning 15 ta tuman va shaharlari ulanishi rejalashtirilgan. Keyinchalik, ushbu tizim 2026 yil oxiriga qadar butun mamlakat bo‘ylab joriy etish ko‘zda tutilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
