CNN телеарнасының хабарлауынша, Пентагон мен АҚШ Ұлттық қауіпсіздік кеңесі Иранға қатысты әскери операцияны жоспарлау барысында Тегеранның Ормуз бұғазын жабу ықтималдығын жеткілікті түрде бағаламаған.
Телеарнаға ақпарат берген бірнеше дереккөзге қарағанда, Дональд Трамп әкімшілігі әскери іс-қимылдардың басталуы мүмкін болған жағдайда экономикалық салдарын да толық есептемеген. Сондықтан кейбір америкалық шенеуніктер бұл жағдайды АҚШ үшін "ең нашар сценарий" деп бағалауда.
Дереккөздердің айтуынша, әскери операцияның түрлі кезеңдерін әзірлеу барысында Иранның Ормуз бұғазын жабу ықтималдығы туралы пікірталастар екінші дәрежелі мәселе ретінде қарастырылған.
Вашингтондағы ресми ортада Тегеран мұндай қадамға дайын емес деген пікір басым болды. АҚШ тарапы бұғазды жабу Иранның өз экономикасына да елеулі зиян келтіруі мүмкін деп есептейді.
Алайда, жағдайдың дамуы Ормуз шығанағы төңірегіндегі кез келген қатаң шешім тек аймаққа ғана емес, жаһандық энергия нарығы мен халықаралық саудаға да айтарлықтай әсер етуі мүмкін екенін көрсетіп отыр.
“Zamin”-ді Telegram-нан оқыңыз!
