Ыстанбұлда Израиль консулдығына жасалған қарулы шабуылға байланысты 12 адам қамауға алынды

Түркияның құқық қорғау органдары Ыстанбұлдағы Израиль консулдығына жасалған қарулы шабуылға қатысты тергеу аясында 12 адамды қамауға алды.

Мәліметтерге сәйкес, бұл адамдар зорлық-зомбылыққа шақырды және лаңкестік әрекетке қатысушыларды қару-жарақпен қамтамасыз етті деп күдіктелуде. Тергеу амалдары жалғасуда.

Еске сала кетейік, 7 сәуірде Ыстанбұлда болған шабуыл кезінде шабуылдаушылардың бірі қаза тауып, тағы екеуі жараланған болатын. Сондай-ақ оқиға кезінде жарақат алған түрік полиция қызметкері ауруханада қайтыс болғаны атап өтілді.