Африканың Габон аумағында аңшылық кезінде 75 жастағы америкалық миллионер Эрни Дозио пілдердің шабуылы салдарынан қаза тапты. Бұл туралы Daily Mail газеті хабарлады.
Мәлім болғандай, кәсіпкер тропикалық орман ішінде тәжірибелі аңшының сүйемелдеуінде болған. Олар кенеттен қасында боталары бар бес ұрғашы пілден тұратын табынға тап болған.
Жабайы жануарлар адамдарды қауіп деп бағалап, бірден шабуылға шыққан. Дозионың серігі құлап, ауыр жарақат алған және қаруын түсіріп алған. Миллионердің өзі аңшы мылтығымен қаруланғанына қарамастан, өзін қорғап үлгермеген және пілдер оны таптап өлтірген.
Қазіргі уақытта марқұмның денесін Калифорнияға қайтару мәселесімен АҚШ-тың Габондағы елшілігі айналысуда.
Мамандардың атап өтуінше, пілдер әдетте адамдарға сирек шабуыл жасайды. Бірақ мұндай оқиғалар негізінен қалың ормандардағы кенеттен кездесу кезінде, әсіресе табында боталары болған жағдайда орын алады.
Сонымен қатар, Associated Press 18 сәуір күні Аляскада АҚШ-тың екі әскери қызметкері жаттығу полигонында аюмен соқтығысып, жарақат алғанын хабарлаған болатын. Айтылғандай, 16 сәуір күні оқу-жаттығулары кезінде сарбаздарға аю шабуыл жасаған. Олар өздерін қорғау үшін бұрыш спрейін пайдаланған.
“Zamin”-ді Telegram-нан оқыңыз!
