АҚШ Президенті Donald Trump қатысқан іс-шарада күтпеген оқиға орын алды. 25 сәуір күні Washington Hilton қонақ үйінде белгісіз тұлға тарапынан оқ атылғаны туралы хабарлар тарады.
Алынған мәліметтерге сәйкес, оқиға Ақ үй тілшілері қауымдастығының дәстүрлі кешкі қабылдауы кезінде болған. Сол сәтте залда президенттің сөзін күтіп тұрған жүздеген қонақ болған. Соның салдарынан қауіпсіздік қызметтері дереу шара қолданып, ғимараттың негізгі бөліктерін қоршап алды.
Куәгерлер 5-8 рет оқ дауысын естігенін айтуда. Алғашқы деректерге сәйкес, қаруланған тұлға тікелей қабылдау залына кірмей, қонақ үйдің басқа бөлігінде әрекет еткен.
Іс-шараға президенттен басқа Melania Trump, JD Vance, Pete Hegseth және Marco Rubio сияқты жоғары лауазымды тұлғалар да қатысқан еді. Олар мен басқа қонақтар жедел түрде эвакуацияланды.
Кейіннен Ақ үй өкілдері күдіктінің ұсталғанын мәлімдеді. Мұны президенттің өзі де растап, қауіпсіздік құрылымдарының жедел әрі шешуші әрекеттерін ерекше атап өтті.
Оқиға себебінен жоспарланған кездесулер кейінге қалдырылды. Қазіргі уақытта оқиға бойынша тергеу жұмыстары жалғасып жатыр.
