АҚШ Қорғаныс министрлігі Foundation Future Industries компаниясымен Phantom деп аталатын аса қуатты адам тәрізді роботтарды шығару бойынша 24 млн долларлық келісімшартқа қол қойды. Бұл туралы Вашингтондағы дереккөздерге сілтеме жасап FOX Business басылымы хабарлайды.
Бұл жөнінде Inform.kz хабарлайды.
Әлемдік деңгейде қуатты роботтарды шығарумен айналысатын бұл стартапты АҚШ президентінің ұлы Эрик Трамп қолдап отыр. Жобаның негізгі мақсаты — технологиялар саласында Қытаймен бәсекеде басымдыққа ие болу.
Жауынгерлік машина дұшпан нысандарына кіруге және америкалық сарбаздардың өмірін сақтап қалуға арналған. Компания басшысы Санкет Патхак пен стратегия бойынша кеңесші Эрик Трамп бұл технология АҚШ-тың ұрыс даласындағы үстемдігін қамтамасыз ететінін атап өтті.
Патхактың айтуынша, Қытай да қазіргі уақытта жерүсті және әуе автономиясы бағытында осындай технологиялар бойынша белсенді жұмыс жүргізуде. Эрик Трамп роботтарды іс жүзінде көргенін және олар әскери операциялардың барысын түбегейлі өзгертетініне сенетінін білдірді.
Phantom роботының салмағы 79 килограмм, ол секундына 1,7 метр жылдамдықпен қозғала алады. Бұл технологияны тек қорғаныс саласында ғана емес, сонымен қатар құрылыс және табиғи апат салдарларын жою жұмыстарында да пайдалану жоспарланған.
“Zamin”-ді Telegram-нан оқыңыз!
