Қырымдағы дрон шабуылынан қаза тапқандар саны белгілі болды

Қырым түбегіндегі Жанкөй қаласында дрон шабуылы орын алды. Оқиға салдарынан 5 адамның қаза тапқаны хабарланды.

Бұл туралы Қырым басшысы Сергей Аксенов ресми мәлімдеме жасады. Ол қаза тапқандардың отбасыларына көңіл айтып, зардап шеккендерге қажетті көмек көрсетілетінін атап өтті.

Сонымен қатар, Севастополь қаласында да әуе шабуылы қаупіне байланысты арнайы шаралар қолға алынды.

Қала губернаторы Михаил Развожаевтың айтуынша, Верхнесадовое ауылы мен қаланың солтүстік бөлігінде 4 дрон жойылды. Алдын ала мәліметтер бойынша, Севастопольде азаматтық нысандарға зақым келмеген.

Кейінірек қалада әуе қаупі режимі тоқтатылғаны хабарланды.