Ұлыбританияда хантавирус инфекциясын жұқтырудың тағы бір жағдайы ресми расталды

Ұлыбританияда хантавирус инфекциясының тағы бір жағдайы ресми түрде расталды. Ұлыбританияның Денсаулық сақтау қауіпсіздігі агенттігінің мәліметінше, MV Hondius круиздік кемесінде болған британдық азаматтар арасында үшінші науқас анықталды. Сондай-ақ, Тристан-да-Кунья аралында тағы бір күдікті жағдай тексерілуде.

MV Hondius кемесінің жақын күндері Тенерифеге жетуі күтілуде. Британдық билік кемедегі азаматтардың жағдайын мұқият бақылап отыр. Агенттіктің хабарлауынша, әзірге оларда ауру белгілері байқалмаған.

Бұған дейін Дүниежүзілік денсаулық сақтау ұйымы бұл кемеде хантавирус инфекциясының жеті жағдайы анықталғанын мәлімдеген болатын. Вирус салдарынан үш адам қайтыс болды, тағы бір науқас Оңтүстік Африкада жансақтау бөлімінде жатыр. Екі адамға шұғыл медициналық эвакуация қажет екені айтылды.