Зеленский Путинмен кездесу Мәскеуде емес, басқа мемлекетте өтуі керектігін мәлімдеді

Украина президенті Владимир Зеленский Ресей президенті Владимир Путинмен келіссөз жүргізуге дайын екенін білдірді, бірақ мұндай кездесудің Мәскеуде өтпейтінін мәлімдеді. Бұл туралы Украина президенті кеңсесінің кеңесшісі Сергей Лещенко айтты.

Ол Киевтің Мәскеуді «агрессор мемлекеттің астанасы» деп санайтынын және сол себепті бұл форматты қабылдамайтынын атап өтті. Сонымен бірге, Зеленский басқа аумақта кездесу өткізу мүмкіндігін жоққа шығармады.

Бұған дейін Кремль өкілдері Путиннің Мәскеуде келіссөз өткізуге дайын екенін білдірген болатын. Ресей президентінің көмекшісі Юрий Ушаковтың айтуынша, егер Украина қаласа, Мәскеу келіссөздер үшін жағдай жасауға дайын.

Осы күндері Словакия премьер-министрі Роберт Фицоның Мәскеуге сапарынан кейін әртүрлі болжамдар тарады. Алайда Кремль Украина басшылығынан қандай да бір «арнайы хабар» алынғаны туралы ақпаратты жоққа шығарды.