Иран келіссөздерді қайта бастау үшін өз шарттарын жариялады

Иран ресмилері Америка Құрама Штаттарымен қақтығысты саяси жолмен шешу бойынша келіссөздерді қайта бастау үшін бірқатар шарттар қойды. Бұл туралы Fars ақпарат агенттігі хабарлады.

Мәліметтерге сәйкес, Тегеран қойған талаптар бірнеше негізгі мәселені қамтиды. Олардың қатарында Ливандағы соғысты тоқтату, Иранға қарсы енгізілген санкцияларды жою және бұғатталған ирандық активтерді босату сияқты шарттар бар.

Сондай-ақ, Иран соғыс салдарынан келтірілген шығынды өтеуді және Ормуз бұғазы үстінен өз егемендігін мойындауды талап етуде. Дереккөзге сәйкес, бұл шарттар келіссөздерге оралу үшін сенім атмосферасын қалыптастыру мақсатында ұсынылған.

Хабарламада айтылғандай, Иран Пәкістан арқылы жеткізген хабарламасында бітімгершіліктен кейін де Араб теңізі мен Оман шығанағында теңіз блокадасы сақталса, бұл Вашингтонмен қарым-қатынастағы сенімсіздікті одан әрі күшейтетінін білдірген.