800 million jyl buryn tenizde omir sürgen alyp jyrtqyshshyn jana türi anyqtaldy

Ғалымдар динозаврлар дәуірінде өмір сүрген ірі теңіз бауырымен жорғалаушысын анықтады. Reuters хабарлауынша, жаңа түрге Tylosaurus rex деген атау берілді.

Зерттеушілер бұрын табылған қазба сүйектерді қайта зерттеп, бұл тіршілік иесінің жеке түрге жататынын мәлімдеді. Оның үлкен көлемі, өткір тістері, қуатты жақ және мойын бұлшықеттері оның қауіпті теңіз жыртқышы болғанын көрсетеді.

Tylosaurus rex шамамен 80 миллион жыл бұрын Солтүстік Американың ежелгі ішкі теңіздерінде өмір сүрген. Ғалымдардың айтуынша, оның ұзындығы 13 метрге жуық болған.

Мамандар бұл тіршілік иесі негізінен ірі балықтармен және басқа да теңіз жануарларымен қоректенген деп болжайды. Ол өз заманында мұхиттағы ең мықты жыртқыштардың бірі саналған.