63 жастағы әйел алғаш рет ана атанды

Әзербайжанда 63 жастағы әйел 38 жыл бойы бала күткеннен кейін алғаш рет ана атанды. Бұл туралы медицина ғылымдары бойынша философия докторы Натиғ Махаррамов мәлімдеді.

Дәрігердің айтуынша, әйел ұзақ жылдар бойы ем қабылдаған және заманауи медицинаның көмегімен дені сау сәби дүниеге әкелуге мүмкіндік алған.

Натиғ Махаррамов бұл жағдайды медицинадағы маңызды жетістіктердің бірі ретінде бағалап, ана мен сәбидің денсаулығы жақсы екенін атап өтті. Ол жаңа туған сәби мен анасына дені сау әрі бақытты өмір тіледі.

Бұл оқиға Әзербайжанда кең талқыланып, көптеген әлеуметтік желі қолданушысы бұл жағдайды нағыз ғажайып деп бағалап жатыр.