Орамалы себепті қабылдаудан шеттетілген бірінші ханым бүгінде назар орталығында

Түркияның бұқаралық ақпарат құралдары елдің бірінші ханымы Эмине Ердоғанға қатысты 22 жыл бұрынғы оқиғаны қайта еске алып жатыр. Олардың айтуынша, 2004 жылы Ыстанбұлда өткен НАТО саммиті аясында Эмине Ердоған басына орамал таққаны үшін мемлекет және үкімет басшыларына арналған ресми қабылдауға кіргізілмеген.

Ол кезде Режеп Тайып Ердоған премьер-министр еді. Оған жіберілген ресми шақыру тек бір адамға рәсімделіп, жұбайы іс-шараға шақырылмаған. Түркия медиасы бұл жағдайды сол кезеңдегі «дипломатиялық шеттету» деп бағалап отыр.

Арада 22 жыл өткен соң Түркия тағы да НАТО саммитіне қабылдаушы ел болды. Бұл жолы кезінде орамалы себепті ресми қабылдаудан шеттетілген Эмине Ердоған Президент сарайында әлем көшбасшылары мен олардың жұбайларын жеке өзі қарсы алды.

Түркияның бұқаралық ақпарат құралдары бұл оқиғаны елдегі саяси және әлеуметтік өзгерістердің символдық көрінісі ретінде бағалап отыр.