Актриса, дизайнер және жүргізуші Шахзода Мұхаммедова қазіргі уақытта қасиетті зиярат сапарында екенін мәлімдеді. Ол әуелі Медина қаласында болғанын, қазір Меккеде екенін Instagram парақшасы арқылы жанкүйерлерімен бөлісті.
Өнер иесі өз парақшасында бейнепосттар жариялап, сапар барысында басынан өткерген сезімдерін шынайы түрде жеткізді. Ол видеолардың біріне мынадай әсерлі түсініктеме қалдырған:
Біз ең әдемі таңды қарсы алдық. Тағы да қайталап — үшінші рет осы мекендерге жеткізгеніңе шүкір! Жаман жолдардан адастырмай, Аллаға жақындап келе жатқанымыздың өзі үлкен ғажайып..."
Бұл пост қысқа уақыт ішінде көптеген бақылаушылардың назарын аударды. Түсініктемелерде жанкүйерлер өнерпаздың сапарына таңданыс білдіріп, өздеріне де осындай сапар бұйыруын Алладан сұрапты.
Шахзода Мұхаммедованың бұл шынайы сөзі әлеуметтік желілерде жылы лебіз тудырып отыр.
