Өзбекстанның халық әртісі Мұқаддас Холиқова 66 жасқа толды. Актриса 1960 жылғы 14 сәуірде Ташкент қаласында дүниеге келген. 1977–1981 жылдары Ташкент өнер институтының «Театр және кино актерлігі» факультетінде білім алған. 1981 жылдан бері Өзбек ұлттық академиялық драма театрында қызмет етіп келеді.
Мұқаддас Холиқова тек сахнадағы жетістіктерімен ғана емес, өмір сынақтарына төзімділігімен де көпшілікке үлгі болып келеді. Ол бір сұхбатында өмірінде үш рет өліммен бетпе-бет келгенін еске алады: «2010 жылы ағам мен анамнан айырылғанда инфаркт алдым. Кейін күйеуім кенеттен көзінен айырылды. Сол күйзелістен тағы да инфаркт болдым. Үшінші ұстама балаларымның әкесі қайтыс болғанда болды," - деп еске алады актриса.
Бүгінде Мұқаддас Холиқова өнер жолында белсенді еңбек етіп, жас ұрпаққа тәлімгер ретінде өз тәжірибесін бөлісіп келеді. Оның өнерге деген адалдығы мен сахнадағы шеберлігі өзбек театры мен киносының маңызды бөлігі ретінде мойындалған.
