Махаббат кейде ешқандай шекараны, ұлтты немесе қашықтықты танымайды. Жақында осындай оқиғалардың бірі әлеуметтік желілерде кеңінен талқыланды.
Франциялық Мелисса есімді бойжеткен Өзбекстанға келін болды. Ол Ислам дінін қабылдап, өзбек жігіті Азизбекпен отбасын құрды.
Екі жастың неке қию және үйлену тойы рәсімі 24 сәуір күні өтті.
Той барысынан түсірілген кадрларды блогер Шахло Зоирова әлеуметтік желідегі парақшасында бөлісті. Бұл видеолар қысқа уақыт ішінде пайдаланушылар арасында тарап, көптеген пікірлер мен талқылауларға себеп болды.
Көптеген пайдаланушылар бұл оқиғаны «нағыз махаббаттың жарқын үлгісі» деп бағаласа, кейбіреулер мәдениеттер үндестігі мен отбасын құрудағы батылдықты ерекше атап өтті.
Біз де жас отбасына бақыт, тыныштық, өзара құрмет және берік отбасылық өмір тілейміз.
