Өкінішке орай, өмірде түрлі жағдайлар туындауы мүмкін. Отбасылық ажырасу тек рухани ғана емес, материалдық тұрғыдан да қиындықтар әкеледі. Әсіресе, келіндік жасау-жабдықтарын қайтарып алу кейде күрделі мәселеге айналады. Алайда заң қорғауында мұндай мәселелер шешімін табады.
Жуырда Мәжбүрлі орындау бюросының Шараф Рашидов аудандық бөлімшесіне Азаматтық істер бойынша соттың орындау қағазы түсті. Оған сәйкес, азамат Л.П. пайдасына, некесін бұзған соң, келін болып барған үйінен 35 түрлі жеке мүлкін (келіндік жасау-жабдықтарын) қайтарып беру белгіленген еді.
Мемлекеттік орындаушы осы орындау қағазы негізінде іске кірісті. Қарызгермен келіссөздер жүргізіліп, қажетті орындау шаралары жүзеге асырылды. Тәуелсіз куәлардың қатысуымен құжатта көрсетілген барлық 35 түрлі мүлік тізімнен өткізіліп, өндіріп алушы — келінге қайтарылды.
МӘБ қызметкерлерінің жедел және заңды әрекеттері нәтижесінде азамат өз заңды мүлкін толық қайтарып алуға қол жеткізді.
Бұдан бөлек, тұрғын үй иесінің отбасы мүшелері, сондай-ақ онымен бірге тұрақты тұратын адамдар, егер көшіп келген кезде басқа жағдай жазбаша түрде тіркелмесе, үйдегі бөлмелерден меншік иесімен тең дәрежеде пайдалану құқығына ие.
Сондай-ақ олар меншік иесі берген тұрғын үйге өз кәмелетке толмаған балаларын көшіру құқығына да ие. Егер мұндай тұлғалар тұрғын үй иесімен отбасылық қатынасты тоқтатқан жағдайда да, тұрғын үйді пайдалану құқығы сақталады (Узбекистан Республикасы Тұрғын үй кодексінің 32-бабына сәйкес).
Осы негізде Жиззах қаласындағы үйге азамат С.Ж.-ны мәжбүрлеп кіргізу туралы орындау қағазы МӘБ Жиззах қалалық бөлімі өндірісіне келіп түсті.
Мемлекеттік орындаушы махалла төрағасы және жауапты қызметкерлермен бірлесе отырып, орындау шарасын жүзеге асырып, азамат С.Ж.-ның көрсетілген үйге кіруі қамтамасыз етілді.
Айта кету керек, заңнамаға сәйкес, орындау шаралары барысында мемлекеттік орындаушылардың заңды талаптарын орындамау немесе қызметтік міндеттерін орындауға кедергі жасау, сондай-ақ қарызгерлердің орындау құжатын орындамауы, сот құжаттары мен өзге де органдар құжаттарын орындау туралы заңнаманы бұзғаны үшін жауапкершілік белгіленген.
Кодиров Абдулло
МӘБ бөлім басшысы
