Әндіжанда жүргізушінің ұйықтап қалуы салдарынан жол апаты болды

Әндіжан облысының Алтынкөл ауданында жүргізушінің ұйықтап қалуы салдарынан көліктер соқтығысты. Бұл туралы облыстық Жол қозғалысы қауіпсіздігі басқармасы хабарлады.

Хабарға қарағанда, оқиға 23 октябрь күні сағат 13:15 шамасында Алтынкөл ауданы "Ақтепа" махалласы аумағынан өткен Д-105 "Ферғана айналма жолының" 132-шақырымында болған.

1990 жылы туған жүргізуші В.М. өзінің Nexia-3 автокөлігін басқарып келе жатып ұйықтап қалған және жолдың қарама-қарсы жағына шығып кетіп, өз бағытында келе жатқан Nexia-мен соқтығысқан.

Апат салдарынан Nexia-3 көлігінің бір жолаушысы дене жарақатын алып, аудандық ауруханаға жүгінген.

Қазіргі уақытта бұл жағдай бойынша Алтынкөл аудандық ІІБ Жол қозғалысы қауіпсіздігі тобының қызметкерлері тергеу жүргізіп жатыр.