Әлеуметтік желілерде Ташкентте жүк көлігінің жүргізушісі мен бір топ азамат арасында өткір жанжал шыққанын көрсететін бейнежазба кең тарады. Бейнежазбадағы жағдай жұртшылық арасында түрлі талқылауларға себеп болды. Аталған оқиға бойынша Ташкент қалалық ІІББ ресми мәлімет берді.
Мәлім етілуінше, биылғы жылдың 9 ақпан күні Учтепа ауданы, Юсуф Саккокий маҳалласы аумағында “Isuzu” маркалы жүк көлігінің жүргізушісі — 2001 жылы туған Н.А. (жолаушысы — 2005 жылы туған Х.Н.) және азаматтар — 1993 жылы туған С.С., 1990 жылы туған О.С., 2006 жылы туған С.А. және 2008 жылы туған А.А. арасында алдымен сөз таласы болып, кейін жанжал туындаған.
Алдын ала мәліметтерге сәйкес, жанжал барысында жүк көлігінің жолаушысы Х.Н. темір затпен азамат О.С.-ның бас тұсынан ұрып, оған дене жарақатын келтірген.
Аталған жағдай бойынша Учтепа ауданы ІІО ФМБ жанындағы Тергеу бөлімі Өзбекстан Республикасы Қылмыстық кодексінің 277-бабы — “Бұзақылық” бойынша қылмыстық іс қозғаған.
Күдіктілер процессуалдық тәртіппен ұсталды. Қазіргі уақытта тергеу әрекеттері жалғасуда.
