Навои облысының Конимех ауданында ауыр жол-көлік оқиғасы болып, оның салдарынан 4 адам қаза тапты. Оқиға «Навои – Зарафшан – Учқудуқ» автомобиль жолында болғаны туралы «Миллар» бағдарламасында хабарланды.
Мәліметтерге сәйкес, қайғылы оқиға 22 ақпан күні Конимех ауданы аумағында болған. Nexia көлігінің жүргізушісі өзі жүріп келе жатқан бағыттағы автокөлікті басып озуға тырысқан. Алайда маневрді аяқтай алмай, қарсы бағыттан келе жатқан жүк көлігімен соқтығысқан.
Айтылуынша, Nexia көлігінің жылдамдығы белгіленген шектен жоғары болған. Соның салдарынан екі жолаушы оқиға орнында қаза тапты, тағы екі адам ауруханаға жеткізілгеніне қарамастан, дәрігерлер олардың өмірін сақтап қала алмады.
Қазіргі уақытта осы оқиға бойынша қылмыстық іс қозғалып, тергеу амалдары жүргізілуде.
