«Қамшық» асуында жол-көлік оқиғасы орын алып, жеңіл автокөлік сайға құлап кетті. Бұл туралы Төтенше жағдайлар министрлігі мәлімдеді.
Мәлім етілгендей, 26 сәуір күні А-373 автокөлік жолының асу бөлігінде «Алқап–Ташкент» бағытында қозғалып бара жатқан «Волга» маркалы көлік жүргізушісі рульге ие бола алмай қалған. Соның салдарынан көлік құралы жол жиегінен шығып кетіп, төмендегі сайға құлаған.
Оқиға бойынша «112» бірыңғай байланыс жүйесі арқылы «Қамшық» арнайы құтқару бөліміне хабар берілген. Қысқа уақыт ішінде құтқарушылар оқиға орнына жеткен.
Құтқару операциясы барысында автокөлік ішінде болған екі азамат шығарылып, оларға алғашқы медициналық көмек көрсетілді. Кейіннен зардап шеккендер жедел медициналық жәрдем қызметкерлеріне тапсырылды.
Сондай-ақ, арнайы техниканың көмегімен сайға құлаған автокөлік те қауіпсіз аумаққа шығарылды. Қазіргі уақытта оқиға бойынша тиісті тәртіпте тексеру жұмыстары жүргізілуде.
