Ташкентте автобус пен Tracker соқтығысып, үш адам жарақат алды

Ташкент қаласында 14 мамыр күні ірі жол-көлік оқиғасы орын алып, автобус пен Tracker автокөлігінің соқтығысуы салдарынан үш азамат жарақат алды. Бұл туралы Toshshahartransxizmat баспасөз қызметі хабарлады.

Алдын ала мәліметтерге қарағанда, оқиға Яккасарай ауданындағы Шота Руставели көшесінде, BRT арнайы жолағы аумағында болған. Айтылуынша, Tracker жүргізушісі көлікті кенет сол жаққа бұруы нәтижесінде автобуспен соқтығысқан.

ЖКО салдарынан Tracker жүргізушісі, оның жанындағы жолаушы және Yutong автобусында болған жолаушылардың бірі әртүрлі дәрежеде дене жарақатын алған. Зардап шеккендер шұғыл түрде №16 Республикалық жедел медициналық жәрдем ғылыми орталығына жеткізілді.

Қазіргі уақытта аталған жағдай бойынша Ташкент қалалық ІІББ ЖҚҚБ қызметкерлері тиісті құжаттарды ресімдеп, оқиғаның себептерін анықтауда.

Естеріңізге сала кетейік, сәуір айында Жызақ облысының Пахтакор ауданында да жолаушылар автобусының қатысуымен ЖКО орын алып, бірнеше жолаушы жарақаттанған болатын.