Алехандро Гарначо Чемпиондар Лигасы аясында «Челси» құрамында өзінің алғашқы голын соқты. 21 жастағы аргентиналық футболшы бүгінгі «Қарабаққа» қарсы кездесудің 53-минутында гол салып, ойын нәтижесін 2:2 етіп аяқтады.
Squawka мәліметтеріне сәйкес, Гарначо Чемпиондар Лигасы тарихында 22 жасқа толмай тұрып екі түрлі ағылшын клубында гол соққан алғашқы футболшы ретінде тіркелді. Бұған дейін ол «Манчестер Юнайтед» құрамында да гол соққан болатын.
Алехандро Гарначо өткен жазда «қызыл шайтандардан» кетіп, «көк» командасының қатарына қосылған еді. Лондон клубының құрамында ол биылғы маусымда барлығы тоғыз ойынға қатысып, екі гол соғуға қол жеткізді.
«Челси» командасы Чемпиондар Лигасының жалпы кезеңінде төрт турдан кейін жеті ұпай жинап, турнир кестесінде оныншы орында тұр.
