Гвардиола Германия құрамасының өкілін қалайды

Кёльн клубының вингері Саид Эль-Мала «Манчестер Сити» клубының назарында. 19 жастағы футболшы Бундеслигадағы дебюттік маусымында жарқын ойындарымен Еуропаның беделді клубтарын қызықтырып отыр.

Sky Sport хабарлауынша, «Манчестер Сити» бас бапкері Хосеп Гвардиола осы дарынды неміс футболшысын командаға әкелуге қызығушылық білдіруде. Ол ағылшын клубының трансферлік нарықтағы басымдықтарының бірі ретінде қарастырылуда.

Саид Эль-Мала қазіргі Германия чемпионаты аясында өткізген 10 ойында 4 гол және 2 нәтижелі пас берген. Transfermarkt порталы оның бағасын 18 миллион еуро деп белгілеген.

Қараша айында вингер алғаш рет Германия ұлттық құрамасына шақырылды, алайда ол әлі дебют жасаған жоқ.