Манчестер Сити бас бапкері Хосеп Гвардиола команданың бұрынғы жартылай қорғаушысы Фернандиньоның футболшылық қызметінің аяқталғаны туралы пікір білдірді. Бразилиялық футболшы "қалалықтар" сапында 2013 жылдан 2022 жылға дейін ойнаған.
Жақында 40 жастағы футболшы бутсысын шегеге ілу туралы шешімін жариялады. "Керемет естеліктер.
Ол дәуірдің ерекше футболшылары әрдайым жүрегімде қалады, Фернандиньо да солардың бірі. Мен бұл жерге он жыл бұрын келгенімде ол маған үлкен көмек көрсетті.
Ол керемет футболшы болатын. Мен сенімдімін, ол қызметін аяқтағаннан кейін де футболмен байланысты болады.
Әрбір футболшы қызметін аяқтағаннан кейін: "Отбасыммен және балаларыммен бірге болғым келеді", - деп айтады. Бірақ бірнеше күннен кейін: "Кейін не істеймін?" деп ойлай бастайды.
Жоғары деңгейде ойнаған тәжірибелі адам футболға қажет. Ол жаңа буынға көп нәрсе бере алады.
Фернандиньоны керемет, үлкен мансабымен құттықтаймын. Ол болашақта Манчестер Сити бапкері бола ала ма?
Мүмкін, мүмкін... Бұл оның қаншалықты жақсы екеніне байланысты", – деді Гвардиола City Report басылымына.
Фернандиньоның футболшылық мансабындағы соңғы клубы Бразилияның "Атлетико Паранаэнсе" командасы болды.
