Лапорта "Реал" мен Тебас арасындағы келіспеушілік туралы

“Барселона” президенті Жоан Лапорта Мадридтің “Реал” клубы мен Ла Лига басшысы Хавьер Тебас арасындағы қарым-қатынас туралы өз пікірін білдірді. Мадридтің “патшалық клубы” көбінесе Ла Лига басшылығын ашық сынға алып отырады.

Алайда, Хавьер Тебас бірнеше рет бала кезінен “Реалдың” жанкүйері болғанын мойындаған. “Тебас – өз жұмысын сүйетін және адал адам.

Біздің онымен қарым-қатынасымыз әдеттегідей. Бірақ “Реалға” қарайтын болсақ, олар Ла Лига басшылығымен үнемі келіспеушіліктерде.

Олар Тебасты қызметтен кетіріп, оның орнына басқа біреуді тағайындауға тырысуда”, – деді Лапорта “Managing Barca” басылымына берген сұхбатында. Еске салсақ, “Патшалық клуб” Испания чемпионатының турнирлік кестесінде 13-турдан кейін көш бастап келеді.

Ал “көк-гранаталылар” бір ұпай айырмашылығымен екінші орында орналасқан.