Лаутаро Мартинес: Кивумен қарым-қатынастар керемет

Аргентина ұлттық құрамасы мен Миланның "Интер" клубының капитаны Лаутаро Мартинес команданың жаңа бас бапкері Кристиан Кивумен қарым-қатынастары туралы айтып берді. Румыниялық маман Симоне Индзагидің орнына команданы басқаруды бастады және Лаутаромен өзара жақсы байланыс орнатуға қол жеткізді.

"Біздің қарым-қатынасымыз өте керемет, біз күн сайын бірнеше рет сөйлесеміз. Киву мені құшақтауды жақсы көреді – тіпті әйелімнен де көп!

Шынында да, біздің әріптестігіміздің өте жақсы басталғанына қуаныштымын", – деді Лаутаро Мартинес fcinter1908.it басылымына берген сұхбатында. Айта кетейік, аргентиналық шабуылшы 2018 жылдан бері Миланның "Интер" клубының намысын қорғап келеді.