Меньян мен Модрич - Миланның негізгі тіректері

Италияның "Милан" клубының және ұлттық құрамасының бұрынғы жартылай қорғаушысы Дэметрио Альбертини команданың қазіргі ең маңызды футболшылары туралы айтып берді. Оның пікірінше, бұл футболшылар — француз қақпашысы Майк Меньян мен жазғы трансфер терезесінде клубқа ауысқан жартылай қорғаушы Лука Модрич.

"Меньян мен Модрич - "Миланның" екі негізгі тірегі. Модричтің қаншалықты және қалай жүгіретінін көріп таңғаламын.

Ол Испания чемпионатынан Италия лигасына өте жылдам бейімделді", - деді Альбертини "Pianeta Milan" сайтына берген сұхбатында. Қазіргі уақытта "Милан" Италия чемпионатының турнир кестесінде көш бастап тұр.