Кенан Йылдыз Дель Пьеро рекордын қайталады

"Ювентус" шабуылшысы Кенан Йылдыз "Наполи"ге қарсы ойында өзін көрсетті. 20 жастағы футболшы кездесудің 59-минутында есепті теңестірді (1:1).

Opta статистика сарапшыларының мәліметінше, Йылдыз соңғы 50 жыл ішінде 21 жастан жас бола отырып, Италия А Сериясының алғашқы 15 турында 5 не одан көп гол салған екінші "Ювентус" футболшысы атанды. Бұған дейін бұл нәтижеге 1994/95 маусымында аңызға айналған Алессандро Дель Пьеро қол жеткізген.

Йылдыз осы маусымда Италия чемпионатында 13 ойынға қатысып, 5 гол соқты және 3 нәтижелі пас берді. Кездесу соңында "Наполи" футболшысы Расмус Хойлунн дубль жасап, есепті 2:1 етіп өзгертті.