Каррагер Салахтан кешірім сұрады

«Ливерпуль» клубының бұрынғы қорғаушысы Джейми Кэррагер клубтың жұлдыз ойыншысы Мұхаммед Салахтан кешірім сұрады. Ол бұған дейін мысырлық футболшының әрекетін «ұятты» деп атаған болатын.

«Мо, егер сені ренжіткен болсам, кешір. Мен сені әрдайым «Ливерпуль» ойыншысы ретінде жоғары бағалаймын.

Алайда алаңнан тыс жерде де лайықты мінез көрсету қажет», — деді Кэррагер Liverpool Echo басылымына берген сұхбатында. Мұхаммед Салах 2017 жылдың жазынан бері «Ливерпульдің» намысын қорғап келеді.

33 жастағы футболшының трансфер құны 30 миллион еуроға бағалануда. Ағымдағы Англия Премьер-лигасы маусымында Салах 13 ойында алаңға шығып, 4 гол соғып, 2 нәтижелі пас берді.