"Интер" қорғаушысы Ачербидің алаңға оралу мерзімі анықталды

«Интер» клубының қорғаушысы Франческо Ачерби Чемпиондар лигасы аясындағы «Ливерпульге» қарсы ойында жарақат алып, алғашқы таймда алаңнан шықты. Бейсенбі күні «Интер» клубы футболшының медициналық тексеріс қорытындылары туралы ресми мәлімдеме берді.

Онда Ачербидің оң жақ сан бұлшықеттерінде созылу анықталғаны айтылды. Танымал журналист Фабрицио Романо өз сайтында жазуынша, Ачерби кемінде бір ай алаңға шыға алмайды.

Осылайша қорғаушы тек келесі жылы футболға қайта оралады. Еске сала кетейік, «Интер» өз алаңында «Ливерпульден» 0:1 есебімен жеңіліс тапты.

Келесі ойын 14 желтоқсан күні Италия чемпионаты аясында «Дженоа» командасына қарсы сырт алаңда өтеді.