"Лацио" Рубен Лофтус-Чикті сатып алуға ниетті

Римнің "Лацио" клубы "Милан" құрамында ойнап жүрген ағылшын жартылай қорғаушысы Рубен Лофтус-Чикке қызығушылық танытуда. Бұл туралы Италияның Il Messaggero басылымы хабарлады.

Белгілі болғандай, "Лацио" бас бапкері Маурицио Сарри бұрын "Челсиде" қызмет еткен кезінде Лофтус-Чикпен бірге жұмыс істеген және оның шеберлігін жоғары бағалаған. Сондай-ақ дереккөзге сәйкес, футболшыға қазіргі Италия чемпионы "Наполи" де қызығушылық білдіруде.

Әзірше бұл трансфер бойынша егжей-тегжейлі ақпарат ашылған жоқ. Еске сала кетейік, Рубен Лофтус-Чик 2023 жылдан бастап "Милан" клубының намысын қорғап келеді.

Ол Англия чемпионатынан Италияға ауысып келген. Қазіргі уақытта "Милан" А Серия турнирлік кестесінде көш басында тұр және келесі турда "Сассуолоға" қарсы ойын өткізеді.