Массимилиано Аллегри қараша айының үздік бапкері деп танылды

Италияның "Милан" футбол клубының бас бапкері Массимилиано Аллегри қараша айында Италия чемпионаты А Сериясының үздік бапкері деп танылды. Өткен айда "Милан" 12 мүмкіндіктен 10 ұпай жинап, "Рома", "Лацио" және "Интер" командаларын жеңіп, сонымен қатар "Пармаға" қарсы ойында 2:2 есебімен тең нәтиже көрсетті.

Аллегри қыркүйек айында да үздік бапкер ретінде танылған болатын. Осылайша, бұл ағымдағы маусымдағы оның екінші осындай марапаты болып отыр.

Еске сала кетейік, "Милан" қазіргі уақытта Италия чемпионатының турнир кестесінде көш бастап тұр. Жексенбі күні клуб А Сериясының 16-туры аясында өз алаңында "Сассуолоға" қарсы матч өткізуді жоспарлауда.