Уго Экиките Салахты «Ливерпуль» аңызы деп атады

«Ливерпуль» шабуылшысы Уго Экиките «Брайтоннан» 2:0 есебімен жеңіске жеткеннен кейін командаласы Мұхаммед Салах туралы пікір білдірді. Қысқы трансфер кезеңінде клубтан кетуі мүмкін деп айтылып жатқан Салахты Экиките команда үшін ерекше маңызға ие футболшы ретінде сипаттады.

«Мұхаммед — ұлы кәсіби маман. Мен оған әрдайым үлгі ретінде қараймын.

Оның голдар мен нәтижелі пастарға қаншалықты тікелей ықпал етіп жатқаны анық көрініп тұр. Ол — осы клубтың аңызы.

Онымен бір алаңда ойнау — шын бақыт. Дәл осындай футболшылар футболды сүйдіреді», — деді Экиките.

Бұған дейін Салах клубтағы қазіргі жағдайына қанағаттанбайтынын айтқан және қыста командасын өзгерту мүмкіндігін жоққа шығармаған еді.