Такехиро Томиясу «Аякс» клубымен маусым соңына дейін келісімшарт жасайды

Жапонияның ұлттық құрамасының қорғаушысы Такехиро Томиясу Нидерландияның «Аякс» клубымен осы футбол маусымы аяқталғанға дейін келісімшартқа қол қояды. Бұл туралы инсайдер Фабрицио Романо әлеуметтік желі арқылы хабарлады.

Еске сала кетейік, Томиясу 2025 жылдың жазында еркін агентке айналған болатын. Ол 2022 жылдан бері Лондонның «Арсенал» құрамасында ойнаған, бірақ соңғы бір жыл ішінде жарақаттарға байланысты алаңға сирек шыққан.

Футболшы 16 желтоқсан, сейсенбі күні Амстердамға ұшып барып, жаңа командасында медициналық тексерістен өтеді және еңбек келісімшартына қол қояды деп күтілуде. Томиясу 27 жаста.

«Арсеналға» ауысар алдында ол Италияның «Болонья» клубында ойнаған.