Эдуар Менди «Аль-Ахли» клубымен келісімшартын 2028 жылға дейін ұзартты

Лондонның «Челси» клубында өнер көрсеткен бұрынғы қақпашы Эдуар Менди Сауд Арабиясының чемпионатында ойнайтын «Аль-Ахли» командасымен жаңа еңбек келісімшартына қол қойды. Клубтың баспасөз қызметінің хабарлауынша, сенегалдық қақпашымен жасалған келісім 2028 жылдың ортасына дейін жоспарланған.

Еске сала кетейік, Менди «Аль-Ахли» командасына екі жыл бұрын қосылған болатын. Қақпашы Сауд Арабиясы клубы құрамында 92 матч өткізіп, 94 гол жіберген.

Ал 39 ойында өз қақпасын голдан аман сақтаған. Transfermarkt порталының сарапшылары Мендидің нарықтық құнын 5 миллион еуроға бағалауда.