Transfermarkt Карим Бенземаның бағасын тағы төмендетті

Transfermarkt мамандары Сауд Арабиясы Профессионалды лигасы клубтарында өнер көрсететін футболшылардың нарықтық құнын қайта қарастырды. Жаңарту қорытындысы бойынша «Әл-Иттихад» шабуылшысы Карим Бензема өзінің бағасынан 1 миллион еуро жоғалтқан.

2022 жылы «Алтын допты» иеленген француз футболшысы енді 7 емес, 6 миллион еуроға бағалануда. Бенземаның соңғы төрт рет қайта бағалануы кезінде құны тұрақты түрде төмендеген: 10, 8, 7 және қазір 6 миллион еуро.

Бұл негізінен оның жасымен байланысты: Карим жұма күні 38 жасқа толады. Бенземаның Transfermarkt-тағы ең жоғарғы нарықтық құны 2016–2017 жылдары тіркелген, сол кезде ол 60 миллион еуроға бағаланған.