Букайо Сака Неймардың видеоларын үнемі қарайтынын айтты

Лондонның "Арсенал" клубының жартылай қорғаушысы Букайо Сака бала кезінде Неймардың ойынынан шабыт алғанын мәлімдеді. Sky Sports-қа берген сұхбатында 24 жастағы ағылшын футболшысы интернетте Неймар қатысқан және өзі көрмеген бейнеүзінді жоқтың қасы екенін айтты.

Саканың айтуынша, академияда оқыған кезінде ол достарымен бірге бразилиялық жұлдыздың бейнежазбаларын жиі қосып көрген. Букайо Сака 2019 жылдан бері "Арсеналдың" негізгі құрамында ойнап келеді.

Ағымдағы маусымда Микель Артетаның командасы сапында 21 ойынға қатысып, 7 гол соқты және 3 нәтижелі пас берген. Қазіргі уақытта Неймар "Сантос" намысын қорғауда.

Ол бұған дейін "Аль-Хилял", "ПСЖ" және "Барселона" клубтарында да ойнаған.