Вулверхэмптон АПЛ-да абсолютті антирекордқа жақындауда

Ағылшынның "Вулверхэмптон" клубы АПЛ-дің 17-турында "Брентфордтан" жеңіліс тауып, турнир кестесінің ең төменгі орындарына қарай төмендеп барады. 17 ойыннан кейін команда есепшотында бар-жоғы екі-ақ ұпай бар.

Ағылшын футбол лигалары тарихында 17 кездесуден кейін осыншама аз ұпай жинаған жағдай өте сирек кездеседі: мұндай нәтиже тек екі рет тіркелген. 1970/1971 маусымында "Ньюпорт Каунти" төртінші лигада 17 ойыннан кейін екі ұпаймен қалып қойса, 2020/2021 маусымында "Шеффилд Юнайтед" АПЛ-да дәл осындай екі ұпаймен 17-турдан кейін ауыр дағдарысты бастан кешірген.

Енді дәл сол теріс көрсеткіштің "қасқырлармен" қайталану қаупі туындап отыр.