Аллегри Тьяго Сильваны қайтадан Миланға әкелгісі келді

Милан командасының бас жаттықтырушысы Массимилиано Аллегри бразилиялық орталық қорғаушы Тиаго Силваны клубқа қайтару бастамасын ұсынған. Бұл туралы SempreMilan басылымы хабарлады.

Мәліметке сәйкес, футболшының өзі де А сериясындағы клубта қайтадан ойнауға дайын екенін білдірген, бірақ Милан басшылығы бұл ұсыныстан бас тартқан. Еске салайық, Силва 2009–2012 жылдары Милан командасының намысын қорғаған.

2024 жылдың жазынан бастап Силва Бразилияның Флуминенсе командасында ойнап келген. Алайда бірнеше күн бұрын 41 жастағы қорғаушы Португалияның Порту клубымен еңбек келісімшартын жасасты.

Ағымдағы күнтізбелік жылда Силва барлық жарыстарда 46 матчта алаңға шығып, 4 гол соғып, 1 нәтижелі пас берді.