«Пиза» «Марсель» шабуылшысы Нил Мопейді трансферлеуі мүмкін

«Марсель» шабуылшысы Нил Мопе өз мансабын Италияда жалғастыруы мүмкін. FootMercato мәліметіне сәйкес, француз футболшысына А сериясының аутсайдерлерінің бірі – «Пиза» қызығушылық танытуда.

Еске сала кетейік, Мопе жазда прованстық клубқа қосылған болатын. Алайда ол іс жүзінде ойын тәжірибесінсіз қалды: маусымның алғашқы жартысында француз «Марсель» құрамында барлығы үш матчқа қатысты.

Мопенің бұрынғы клубтары қатарында «Брайтон», «Брентфорд» және «Эвертон» бар. Ол футболшылық жолын «Ницца» командасынан бастаған.

29 жастағы шабуылшы әлеуметтік желілерде пікір білдіруді ұнатады және жиі арандатушы жазбалар жариялайды. Ойын барысында да, әсіресе Англияда, ол кейде қарсыластарын ашуландырып, агрессивті әрекетімен ерекшеленген.