Милан "Ювентус" қорғаушысы Гаттиге ұсыныс жасады

"Ювентус" орталық қорғаушысы Федерико Гатти қыстық трансфер кезеңінде "Миланның" басты мақсаттарының бірі саналады. Журналист Даниеле Лонгоның хабарлауынша, "россонери" "кәрі синьораға" кейін сатып алу құқығымен жалға алу туралы ұсыныс жасаған, бірақ туриндіктер басшылығы бұл ұсыныстан бас тартқан.

Қазіргі уақытта "Ювентус" 27 жастағы футболшымен қоштасуды жоспарлап отырған жоқ. Бұған дейін Федерико Гаттиді "Милан" қорғаушысы Кони де Винтерге ауыстыру мүмкіндігі жайлы ақпараттар тараған еді.

Transfermarkt мәліметіне сәйкес, Гаттидің болжамды құны 20 млн еуроны құрайды. Итальяндық футболшының "Ювентуспен" келісімшарты 2030 жылдың ортасына дейін жасалған.