Оскар Дамиани 2026 жылы А Серияда италиялықтар көбірек болады деп күтеді

Италиялық бұрынғы футболшы Оскар Дамиани 2026 жылы Италия футболынан не күтетінін айтты. Бұл туралы euro-football.ruхабарбереді.

Оның айтуынша, 2025 жылдың ең жарқын командасы ретінде «Наполи» ерекшеленді. Дамиани келесі маусымда А Серия клубтарының құрамында италиялық футболшылар санының артқанын қалайды.

«Чемпионатта легионерлер тым көп. Түсінемін, бұл жаһандану, бірақ мен бәрібір дәстүрлі құндылықтарға көбірек үйренгенмін», — деп Дамианидің сөзін calcionapoli1926.it келтіреді.

Еске сала кетейік, Дамиани 1968—1986 жылдар аралығында Италия чемпионатында ойнаған, мансабы барысында «Ювентус» пен «Милан» сияқты клубтарда да өнер көрсеткен. 1974 жылы Италия құрамасы сапында екі матчқа қатысқан.