Аллегри Фюллькругтің келуі «Миланға» пайдалы деп санайды

«Милан» құрамында жақын арада жаңа ойыншының дебюті күтілуде — командаға германиялық шабуылшы Никлас Фюллькруг қосылды. Ол алдағы турда-ақ, жұма кешінде «Кальяриге» қарсы өтетін матчта алаңға шығуы мүмкін. Бұл туралы euro-football.ruхабарлайды.

Бұл жөнінде бас бапкер Массимилиано Аллегри де ишара білдірді. Оның айтуынша, Фюллькруг командаға қосылып үлгерді және бапкер оның трансферіне риза.

«Күнтізбе барған сайын тығыздалып барады, жарақаттар да көбейіп кетті. Ойын жоспар бойынша жүрмей қалған сәттерде Фюллькруг көмектесе алады. Көбіне солай болады: бір нәрсені жоспарлайсың, ал алаңда мүлде басқа жағдай туындайды», — деп Аллегридің сөзін pianetamilan.it келтіреді.

Қазіргі уақытта «Милан» А сериясының турнир кестесінде екінші орында келеді.