Анте Ребич «Милан» кезеңін мансабындағы ең үздік белес деп атады

Италияның «Милан» клубының бұрынғы футболшысы, хорватиялық Анте Ребич қазір өз елінің командасы — «Хайдук» сапында ойнап жүр. Шабуылшы «Милан»дағы кезеңін мансабындағы ең жарқын әрі ең өнімді уақыт ретінде еске алды. Бұл туралы euro-football.ruхабарлайды.

Ребичтің айтуынша, дәл «Милан» сапында ол ойын және футбол тұрғысынан ең жоғары деңгейге көтерілген: көптеген танымал футболшыларға қарсы алаңға шығып, өз мүмкіндіктерін елеулі түрде сынағанын атап өтті.

Қазіргі таңда «Милан» А сериясының турнирлік кестесінде екінші орында келеді және бүгін «Кальяриге» қарсы матч өткізеді. «Милан» соңғы рет 2022 жылы Италия чемпионы атанған.